Улаанбаатар, МУИС дахь Бидний интернет

МУИС-ийнхан бид бол нэг нийгэм. Өдөр бүр сургууль дээрээ тааралдаж хамтдаа суралцдаг. Гэхдээ бид мэргэшил, сонирхол болон хүсэл тэмүүллээрээ, бас юунд дуртай, юу хийж чаддагаараа ялгаатай. Бидний интернет төслийн хүрээнд хүмүүсийн энэ ялгаатай байдалд түшиглэн ажилладаг технологийг бүтээж байгаа. Энэ ялгарах байдлаас бүгд хожих тийм технологи.

Бид таныг урамшуулалтай [email protected] туршилтад оролцохыг урьж байна. Энэ хугацаанд Та, чатботоор МУИС-ийн бусад оюутнуудтай асуулт асуух эсвэл бусдын асуусан асуултад хариулж харилцах боломжтой. Асуултууд нь оюутан цагийн амьдрал ахуй, суралцах үйл явц, юмсын оршихуйгаас эхлээд хувь хүний зөвлөгөө гэх мэт юу ч байж болно! Чатбот нь Telegram апп дотор ажилладаг. Энэ нь яг л Facebook, Viber болон WeChat шиг чатладаг апп байгаа.

Өмнөх туршилтаар оюутнууд “хөгжилтэй, өдөр бүр өөр өөр харилцаа үүсэж байсан, хэдий нэгнээ танихгүй, хараагүй ч дотно мэдрэмж төрсөн, аливааг олон өнцгөөс ойлгож авч байсан” гэж хэлж байсан шүү 🙂

Энэ туршилт маань 2021 оны 11 сарын 22-өөс 12-р сарын 06-ны хооронд болох бөгөөд хамгийн идэвхтэй оролцсон 100 хүнд 20,000 төгрөгийн гар утасны нэгжийн урамшуулалтай. Нэмж хэлэхэд, туршилтын бүх хугацаанд идэвхтэй оролцсон эдгээр оюутнуудын дунд сугалаа явуулж 3 оюутанд 100,000 төгрөгийн мөнгөн шагнал өгнө.

Та ердөө дараах маягтыг бөглөөд л бүртгүүлэх боломжтой.

Холбоо барих
Асуулт байвал [email protected] хаягаар бичээрэй! МУИС дахь Бидний интернет төслийг Мэдээлэл, компьютерийн ухааны тэнхим, Машин оюуны лаборатори хэрэгжүүлж байгаа. Төслийн багийн гишүүд нь дэд проф. Г.Амарсанаа, дэд проф. Ч.Алтангэрэл нар болно.